Соёл, хүмүүнлэгийн хамтын ажиллагаа

Соёл, хүмүүнлэгийн харилцаа

Соёл, хүмүүнлэгийн харилцааны салбарын Казахстан, Монгол улс хооронд 10 гаруй хэлэлцээрт гарын үсэг зурагдсан байдаг.

Засгийн газар хоорондын боловсролын салбарын гэрээ хэлэлцээрийн дагуу жил болгон хоёр улсын их, дээд сургуулиуд хооронд оюутан солилцооны хөтөлбөр хэрэгждэг. 2018-2019 хичээлийн жилд 15 монголын иргэн Казахстаны их, дээд сургуулиудад хамрагдав. Түүнчлэн жил бүр 300 гаруй монголын иргэд казахстаны их, дээд сургуулиудын бэлтгэл ангид орж байна.

Монголын сургуулийн болон сургуулийн өмнөх насны хүүхдүүдийг Казахстан улсын Көкшетау хотын «Боровое» бүс нутагт байрладаг «Балдаурен» хүүхдийн амралт, сувилалын төвд амраах, зуны амралтаа өнгөрүүлэх ажлыг зохион байгуулж байна (2018 онд 30 хүүхэд хамрагдсан).

2018 оны 10-р сард Элчин сайдын яамны санаачилгаар, Монгол Улсын баруун аймгуудад зуны улиралд болсон үерийн гамшигаас хохирсон ард иргэдэд БНКазУ Засгийн газар 500 мянга ам.долларын санхүү-хүмүүнлэгийн тусламж үзүүлэв.

Түүнчлэн, БНКазУ-аас Монгол Улсад суугаа Элчин сайдын яамны дэмжлэгтэйгээр жил бүр «Наурыз»-ын баярыг тэмдэглэх арга хэмжээ зохиогддог ба үүнд Монгол Улсын төр, засгийн удирдлага оролцдог.

2009 оны 6-р сарын 27-ны өдөр Улаанбаатар хотод Монголын казахуудын І Хуралдаан зохиогдсон.

2010 оны 11-р сарын 11-13-ны өдрүүдэд Астана хотод Монголын соёлын өдөр зохиогдсон.

2015 оны 4-р сарын 25-нд Улаанбаатар хотод Элчин сайдын яамны дэмжлэгтэйгээр Монгол улсын дуурийн дуучин М.ТолхыныАбайн 170 жилийн ойд зориулагдсан тоглолт зохион байгуулагдав.

2015 оны 5-р сарын 15-нд Элчин сайдын яам Монгол улсын Шинжлэх ухааны Академийн дэргэдэх Олон улсын харилцааны хүрээлэнтэй хамтран Казахын хаанчлалын 550 жилийн ойд зориулагдсан дугуй ширээний уулзалт зохион байгуулсан. Уг арга хэмжээнд Аль-Фарабигийн нэрэмжит Казах үндэсний их сургуулийн эрдэмтэд, Монголын эрдэм шинжилгээний судлаач, багш нар оролцлоо.

2015 оны 6-р сарын 4-5-ны өдрүүдэд Дэлхийн Буддистуудын холбооны дэд ерөнхийлөгч Ч.Дамбажав тэргүүлсэн Монголын төлөөлөгчид Дэлхийн болон уламжлалт шашины тэргүүнүүдийн 5 дугаар хуралд оролцов.

2015 оны 6-р сарын 12-нд Улаанбаатар хотод Элчин сайдын яам Монгол улсын Засгийн газрын Хэрэг эрхлэх газрын дэргэдэх Удирдлагын академитай хамтран Бүгд Найрамдах Казахстан Улсын Үндсэн хуулийн 20 жилийн ойн баярт зориулсан «Дугуй ширээний уулзалт» зохион байгуулав.

2015 оны 6-р сарын 30-ны өдөр Монгол улсын академич, профессор М.Шагдарсүрэнгийн монгол хэлнээ хөрвүүлсэн БНКазУ-ын Ерөнхийлөгч Н.Назарбаевын «Цаг хугацаа ба бодрол» номын танилцуулга болов.

2015 оны 11-р сарын 11-ндБНКазУ-аас Монгол Улсад суугаа Элчин сайдын яам Монгол улсын Шинжлэх ухааны Академитай хамтран А.Кунанбаевын 170 жилийн ойн хүрээнд «Сургаал үг» номыг танилцуулав.

2016 онд Олон улсын Түрэгийн академийн (TWESCO) төлөөлөгчид «Улы дала» /Их хээр тал/ төслийн хүрээнд Монголд болсон түүхэн, археологийн экспедицэд оролцлоо.

2016 оны 12-р сарын 24-ндБНКазУ-ын Тусгаар тогтнолын 25 жилийн ойд зориулагдан гарсан «Монголын казахууд» номын нээлт болов.

2017 оны 2-р сарын 19-нд Монгол улсын Засгийн газрын Хэрэг эрхлэх газрын дэргэдэх Удирдлагын академийн захирал С.Зулфикар Астана хотод ажлын айлчлал хийв. Айлчлалын хүрээнд БНКазУ Ерөнхийлөгчийн дэргэдэх Төрийн удирдлагын академитай 2017-2020 онуудад зориулсан үйл-ажиллагааны төлөвлөгөөнд гарын үсэг зурав.

2017 оны 3-р сарын 19-нд Улаанбаатар хотын Соёлын төв өргөөнд Казахстан-Монгол улс хооронд дипломат харилцаа тогтоосны 25 жилийн ой болон «Наурыз»-ын баярт зориулагдсан Монголын уран бүтээлчидтэй хамтарсан концерт зохион байгуулагдав.

2017 оны 4-р сарын 13-нд Монгол улсын Шинжлэх ухааны Академийн дэргэдэх Олон улсын харилцааны хүрээлэнгийн захирал Ж.Баясах тэргүүтэй төлөөлөгчид Алматы хотод айлчилж, Аль-Фарабигийн нэрэмжит Казах үндэсний их сургуультай Харилцан хамтын ажиллагааны санамж бичигт гарын үсэг зурсан.

2018 оны 4-р сарын 11-нд Шымкент хотод Монгол Улсын Үндэсний хавдар судлалын төвийн эмч нар сургалт зохион байгуулав.

2018 оны 7-р сарын 4 Элчин сайдын яамны дэмжлэгтэйгээр Монгол Улсын Шинжлэх ухаан, технологийн их сургуулийн ректор Б.Очирбат Астана дах Л.Гумилевын нэрэмжит Евразийн үндэсний их сургуульд ажлын айлчлал хийв.

2018 оны 8-р сарын 10-нд Олон Улсын Түрэг академийн Ерөнхийлөгч, «Егемен Казахстан» Удирдлагын зөвлөлийн дарга Д.Кыдырали Улаанбаатар хотод зохион байгуулагдсан Алтайн ард түмний симпозиумд оролцов.

2018 оны 10-р сарын 10-11 өдрүүдэд Гандантэгчэнлин хийдийн Да лам Х.Бямбажав болон Дашчойлин хийдийн Хамба лам Ч.Дамбажав Дэлхийн болон уламжлалт шашны тэргүүнүүдийн хуралд оролцов.

2018 оны 10-р сард Элчин сайдын яам «MNB» Монголын үндэсний телевиз болон «Зууны Мэдээ» сонины сурвалжлагч нарт Астана хотод пресс-тур зохион байгуулав.

2018 оны 10-р сарын 19 өдөр Улаанбаатарт Элчин сайдын яам Монгол Улсын Засгийн газрын дэргэдэх Удирдлагын академитай хамтран «Казахстан болон Монгол Улс хоорондын нөхөрсөг харилцаа, хамтын ажиллагааны тухай гэрээнд 25 жил: үр дүн ба ирээдүй» сэдвээр дугуй ширээний уулзалт зохион байгуулав.

Түүнчлэн, Элчин сайдын яамны дэргэд бүрэлдэхүүнд нь төрийн, нийгэм-улс төрийн, бизнесийн болон тус улсад оршин суудаг казах иргэд багтдаг «Казахстаны найзууд» клубын уулзалт тогтмол зохион байгуулагдаж байдаг.

Хоер улсын тамирчид хоер орны нутаг дэвсгэрт зохион байгуулагддаг олон улсын уралдаан, тэмцээн болон бусад арга хэмжээнд тогтмол оролцож байна.

Created at : 12.02.2019, 18:50, Updated at : 11.02.2019, 18:50