Экономикалық ынтымақтастық

2016 жылғы екіжақты сауда айналымы 1,2 млрд. долл. жетті.

ҚР Ұлттық банкінің дерекетері бойынша, 2005 – 2015 жылдар ішінде Жапониядан Қазақстанға келген жалпы ТШИ ағыны 6,2 млрд. долл. құрады. 2015 ж. қорытынды бойынша жапондық ТШИ көлемі шамамен 390 млн. долл. құрады.

2016 ж. жағдай бойынша Қазақстанда жапондықтардың қатысуымен
74 заңды тұлға, филиалдар мен өкілдіктер тіркелген. Олардың ішінде
48 компания мұнай, газ, мұнай химиясы, металлургия, қаржы, тау-кен өнеркәсібі, автокөліктердің көтерме бағада сатылуы, электр байланыс, жабдықтардың көтерме саудасы, ағаш дайындау, логистика, медицина, ауылшарушылығы және т.б. салаларда қызмет етеді.

2008 ж. желтоқсанда «Bank of Tokyo Mitsubishi UFJ» ірі жапон банкі Алматы қ. өкілдігін ашты.

2013ж. 12 ақпанда жылcайынғы өндіріс көлемі шамамен 3 мың бірлікке жоспарлана отырып, Қостанай қ. «Сарыарқа Атопром»-ның өндірістік базасында ҚР Үкіметі мен «Toyota Motor» компаниясы арасында «Toyota Fortuner» жол талғамайтын автокөліктер өндірісін бастау туралы Келісімге қол қойылды.

Қазақстан мен Жапонияның Үкіметтік және жеке секторларының экономикалық ынтымақтастық жөніндегі бірлескен комиссиясы (ҮАК) қызмет етеді.

2016 ж. 7-8 қарашада ҚР Президентінің Жапонияға сапары барысында ҚР мен Жапония ШОБ-тың қатысуымен Токио қ. ҮАК 6-отырысы және бизнес семинар өтті. Сапар қорытындысы бойынша жалпы сомасы 1,2 млрд.долл. құрайтын 15 коммерциялық құжатқа, соның ішінде ЭКСПО-2017 өткізу және «Астана» Халықаралық қаржы орталығының қызметі шеңберінде екі елдің өзара іс-қимылы туралы құжаттарға қол қойылды.

Қосылған : 17.03.2017, 09:50, Өзгертілген : 17.03.2017, 09:55