2017 жылғы 9 айда жүргізген аудит нәтижелері

Қазақстан Республикасы Сыртқы істер министрлігі

Ішкі аудит қызметінің 2017 жылғы 9 айда жүргізген

мемлекеттік аудит нәтижелері туралы ақпарат

Қазақстан Республикасы Сыртқы істер министрлігі Ішкі аудит қызметі (бұдан әрі – ҚР СІМ ІАҚ) Қазақстан Республикасы Сыртқы істер министрі бекіткен 2017 жылға арналған Мемлекеттік аудит объектілерінің тізбесіне сәйкес, 2017 жылғы 9 айда Қазақстан Республикасының шет елдердегі мекемелерінде 23 аудиторлық іс-шара және ҚР СІМ-нің құрылымдық бөлімшелерінде 4 аудиторлық іс-шара жүргізді.

Аудиторлық іс-шаралар нәтижесі бойынша аудитпен қамтылған жалпы бюджеттік қаражат сомасы 38 973 629,10 мың теңгені құрады, оның ішінде анықталған бұзушылықтар сомасы 902 333,80 мың теңге, олар жіктеу тұрғысында төмендегідей көрсетілген:

- бюджетке (кіріс бөлігі) қаражаттың түсуі кезіндегі бұзушылықтар, оның ішінде сомасы 20 329,9 мың теңге қаржының бюджет кірісіне шет елдердегі мекемелердің консулдық алымдарды және өзге де түсімдерді мерзімінен кеш аударылуы;

- іссапар шығындары мен артық төленген еңбекақыны және т.б. мемлекеттің бюджетттік қаражаты мен активтерін пайдалану кезіндегі сомасы 93 852,67 мың теңге қоса алғанда нормадан асырылған бұзушылықтар;

- кассалық тәртіпте есеп беруші тұлғалармен есеп айырысуларды, банктік және басқа да есеп айырысу операциялары, ұзақ мерзіміді активтер мен қорлардың, өкілдік шығындар және өзге есептеулер бұзушылықтарын қоса алғанда сомасы 788 151,23 мың теңге бухгалтерлік есеп жүргізу және қаржылық есептілікті құрастыру кезіндегі, сонымен қатар, бюджеттік заңнамалардағы бұзушылықтар.

Оның ішінде, 45 184,9 мың теңге - республикалық бюджет кірісіне өтелуіге жататын сома, 86 593,00 мың теңге - бухгалтерлік есеп бойынша қалпына келтіруге жататын сома.

2017 жылғы 30 қыркүйектегі жағдай бойынша республикалық бюджет кірісіне 21 850,5 мың теңге өтелді.

Аудит объектілеріне ішкі аудит нәтижелері туралы есеп және анықталған бұзушылықтарды жоюға арналған шешімдер жіберілді.

Қарастыру нәтижесі бойынша 4 лауазымды тұлға әкімшілік жауапкершілікке және 7 лауазымды тұлға тәртіптік жауапкершілікке тартылды.

Қылмыстық заң бұзушылықтар белгілерінің анықталуына байланысты 1 объекті бойынша материалдар құқық қорғау органдарына жолданды. Қазіргі уақытта бұл объекті бойынша сотқа дейінгі алдын-ала тергеу жұмыстары жүргізіліп жатыр.

Ішкі мемлекеттік аудит бойынша бірыңғай деректер базасына қалыптастыру үшін аудиторлық іс-шаралар материалдары уәкілетті органға уақытылы жолданып отырады.

2017 жылдың 1 жартыжылдығында ҚР СІМ ІАҚ қызметкерлері «Мемлекеттік және мемлекеттік емес ұйымдарда тәуекелдерді басқарудың теориясы мен тәжірибесі», «Қаржылық есептілік аудиті» және «ІАҚ қызметінің тиімділігін бағалау (сапаны бағалау)» атты тақырыптардағы қайта даярлау және біліктілікті арттыру курстарынан өтті.

Қосылған : 3.08.2017, 17:00, Өзгертілген : 1.11.2017, 17:35