Дипломатия жаршысы

Қазақстан Республикасы Сыртқы істер министрлігінің «Дипломатия жаршысы» саяси басылымы туралы

«Дипломатия жаршысы» журналы Қазақстан Республикасы Сыртқы істер министрлігінің жалғыз ресми басылымы болып табылады. Журнал Қазақстанның қазіргі кезеңдегі сыртқы саяси стратегиясының өзекті проблемаларына, жаһандық өңірлік қауіпсіздіктің мәселелеріне арналған.
Айына екі рет, үш тілде (қазақ, орыс, ағылшын тілдерінде) шығарылатын, көркем суреттермен безендірілетін басылым Мемлекет басшысының сапарлары, халықаралық тақырыптарға сөйлеген сөздері мен сұхбаттары, Қазақстан Республикасы Сыртқы істер министрі мен жалпы Министрлігінің қызметі туралы ақпарат хронологиялық тәртіппен баяндалатын ресми бөлімнен тұрады. Сондай-ақ шет мемлекеттердің басшылары мен халықаралық ұйымдар жетекшілерінің елімізге сапарлары бейнеленеді.
Мұнымен қатар, «Дипломатия жаршысы» басылымында Қазақстан Республикасы Президентінің елшілерді жаңадан тағайындаулары, наградтаулары және Сенім грамоталарын тапсырулар туралы Жарлықтары мен Өкімдері, еліміздің дипломатиялық корпусындағы өзгерiстер, ҚР СІМ хабарлары, мәлімдемелері, баспасөз-брифингтері туралы жарияланады. Қазақстан мемлекетінің консулдық қызметі, халықаралық қатынастарының тарихы мен сыртқы саясатының қалыптасуы туралы материалдар, Қазақстан Республикасының ағымдағы кезеңге жасасқан халықаралық шарттары мен келісімдерінің тізбесі шығарылады.
Журналда Қазақстан Республикасының, сондай-ақ шет мемлекеттердің Төтенше және Өкілетті Елшілерінің, Бас консулдары мен басқа да дипломаттарының екіжақты және көпжақты қатынастардың өзекті мәселелері жайлы мақалалары басылып тұрады. Еліміздің министрліктері мен ведомстволары басшыларының, әкімдері мен ғалымдарының айрықша мақалаларының жарияланымдары іс жүзінде жарияланып тұрады.
Осылайша, басылым мемлекетіміздің халықаралық аренадағы сыртқы саяси қызметі туралы ақпараттың мазмұнды да қажетті көзі болып табылады. Әлемнің ғаламдық дамуы жағдайында барған сайын қажет бола түскен журнал егеменді Қазақстанның халықаралық аренадағы оңды келбетінің нығаюына өзінің сүбелі үлесін қосып келеді.

Мұрағат

Қосылған : 18.11.2013, 22:40, Өзгертілген : 9.05.2014, 01:31