Норвегия джаз сахнасындағы қазақ әуені

1 желтоқсанда қазақстандық «Ұлы Дала» тобы Ослодағы «Виктория» ұлттық джаз-сахнасында концерт берді. Іс-шара «Рұхани жаңғыру» бағдарламасы аясында өтті.

Құрамы Алмат Сайжан, Саламат Әбутәліпов және Жәнібек Сапаровтан тұратын үштік заманауи этно-фольклор жанрында өнер көрсетті. Көрермендер ұлттық музыкалық аспаптар - домбыра, қобыз, сыбызғы мен шаңқобыздағы, сондай-ақ акустикалық гитарадағы шеберлі ойынды және эстрадалық вокалды тамашалады.

Топ қазақ халық шығармашылық туындылары мен Қорқыт, Ықылас, Естай, Мариам Жагоркызы және басқа да қазақ авторлардың әндері мен күйлерін және де норвегиялық композитор Эдвард Григтің «Сольвейгтің әні» мен Исаак Альбениздің «Астуриясын» орындап шықты.

Концерт көрерменге толы зал жинады. Қазақ тобының өнерін тамашалауға әртүрлі жанрда өнер көрсететін норвегиялық әртістер, музыкалық оқу орындары мен баспасөз өкілдері және жалпы музыка сүюші қауым келді.

Концертті ашқан Қазақстанның Норвегиядағы Елшісі Еркін Ахинжанов «Рұхани жаңғыру» бағдарламасы Қазақстанның қоғамдық санасы мен мәдени жаңғыруына бағытталған және әлемді қазақ мәдениеті мен өнерімен таныстыруға мүмкіндік беретіндігін түсіндірді. Осымен бірге, Елші желтоқсан айында Осло мен Ставангер қалаларында қазақ киносының күндері, ал Холменколлен тауында орналасқан Шаңғы музейінде «Қазақстан және Норвегия: спорттық дипломатия» атты көрмесі өтетінін хабарлады. Сонымен қатар, ұлы ақын мен ойшы Абай Құнанбаевтың 175 жылдық мерейтойына орай оның қара сөздері мен таңдаулы поэзия шығармалары норвег тіліне аударылуы жоспарлануда.

Қосылған : 1.12.2019, 23:00, Өзгертілген : 1.12.2019, 23:55